Asetet ushtarake të NATO-s në Baltik dhe Detet e Veriut po mbledhin informacion për të ndihmuar në hetimin se kush dhe çfarë i shkaktoi shpërthimet pranë tubacioneve Nord Stream 1 dhe 2 në fillim të kësaj jave.
Ata po monitorojnë gjithashtu “infrastrukturën kritike të energjisë”, tha Stoltenberg gjatë një konference për shtyp të premten në Bruksel.
Stoltenberg tha se aleatët e NATO-s po mbledhin informacione të reja dhe po shqyrtojnë informacionin që kanë mbledhur gjatë javëve dhe muajve të fundit për të parë “nëse ne jemi në gjendje të zbulojmë diçka që lidhet me sulmet”.
Prania ushtarake në Detin Baltik dhe atë të Veriut është edhe “për të dërguar një mesazh parandalimi, për të mbledhur dhe monitoruar, mbledhur të dhëna dhe monitoruar infrastrukturën dhe më pas për të shkëmbyer informacione dhe për të rritur qëndrueshmërinë”, tha Stoltenberg.
