Trajneri italian Giani de Biasi është zyrtarizuar në krye të pankinës së Azerbajxhanit, deri në përfundim të fushatës kualifikuese të “EURO 2024”.
Me anë të një postimi në “Facebook”, trajneri italian është shprehur i lumtur për këtë mundësi të dhënë nga Komiteti Ekzekutiv i Federatës së Futbollit të Azerbajxhanit.
‘Uroj të përcjell falënderimet e mia personale për të gjithë Federatën dhe në veçanti për presidentin Rovnag Abdullayev dhe Komitetin Ekzekutiv që kanë vlerësuar pozitivisht punën e realizuar deri më tani me Kombëtaren tonë. Ne kemi ndërtuar kushtet për optimizmin e punës në fushë që mund t’u japë kënaqësi lojtarëve, drejtuesve dhe tifozëve. Tani na pret një sfidë ambicioze dhe kërkuese, kualifikimi për “EURO 2024” në Gjermani. Faleminderit lojtareve te mi qe me ndjekin me besim dhe faleminderit te gjithë atyre qe bashkëpunojnë ne fushe me mua dhe te gjithë atyre qe nuk shohin njeri tjetrin por punojnë dhe janë shume te çmuar për mua’, shkruan De Biassi.
Me këtë postim shuhen shpresat e gjithë atyre sportdashësve shqiptarë, të cilët kërkonin me ngulm një rikthim të italianit në krye të pankiës së kombëtares shqiptare të futbollit.
