Kreu i PD-së, Sali Berisha është shprehur se PS-ja ka si strategji marketingun. Sipas tij ata po punojnë shumë në rrjetet sociale dhe kanë dyfishuar postimet në Instagram Facebook dhe Tik Tok.
“Një armë shumë e fuqishme që përdoret shumë më pak seç duhet janë mediat sociale, Facebook, Instagram, Tik Tok. Ne sot, partia në pushtet na dominon, ato kanë dyfishin, trefishin e postimeve krahasuar me ne. Por ata nuk kanë një gjë, nuk kanë interesin e publikut, ne e kemi 2 herë më të lartë. Sa e shfrytëzon opozita. Kjo kërkon që ne të flasim në mediat sociale, të shkruajmë, të kritikojmë dhe të paraqesim alternativa. Ato janë nën 45 vjeç, mjeti kryesor i komunikimit,” tha ai.
