Ish-deputetja e Lëvizjes Socialiste për Integrim Silvia Caka, në një dalje publike për mediat akuzoi qeverinë e Edi Ramës për shkatërrim të Tiranës, duke e kthyer sipas saj në një ferr betoni.
Gjithashtu Caka theksoi se çmimet e apartamenteve në Tiranë, janë rritur me 40% brenda një viti, nga ku vjen në diferencë e madhe me Kosovën dhe Maqedoninë.
“Tirana është shndërruar në një ferr betoni. Çmimet skandaloze të apartamenteve janë rritur 110%. Blerja e apartamenteve është bërë e pamundur për një qytetar shqiptar. Çmimet e apartamenteve në Tiranë janë rritur me 40% vetëm 6 mujorin e parë. Në Shkup dhe Kosovë diferencat e çmimeve janë shumë të mëdha.
Tirana nuk po banohet por po shkatërrohet, kjo është një festë për pastruesit e parave, qeveritar, trafikant dhe kriminelë”, tha Caka.