Një ngjarje e rëndë ka ndodhur në spektaklin “Reality Dom”. Ish e dashura e reperit shqiptar, Don Xhoni, modalja ruse, Ariana Lirey është sulmuar në spektaklin “Reality Dom”.
Në video shihen qartë momentet kur konkurrenti tjetër, Artem Grant që si duket kishte filluar një lidhje me modelen e sulmon atë.
Pas ngjarjes së rëndë, modelja bëri dhe një postim në rrjetet e saj sociale, duke i kërkuar të dashurit që të hiqte dorë nga droga.
“Nuk kam dashur ta bëj këtë por do të jap gjithsesi një koment. Lidhja jonë ka mbaruar dhe unë do të shpjegoj pse. Kishte shumë gënjeshtra dhe keqkuptime. Nisur nga kjo, pati një krisje nga të gjitha anët. Që kur të ofendosh një grua është bërë diçka normale? Ai më sulmoi sot. Ti mund të godasësh muret por është e çuditshme për mua pasi një filxhan fluturoi drejt meje dhe mund të më thyente kokën. Ai ka probleme me zemrën prej një kohe të gjatë dhe unë e zbulova këtë sot. Stili i tij i jetesës i shkatërroi shëndetin. Tani pyetja është: Çfarë kam unë të bëj me këtë? Unë e kam këshilluar vazhdimisht që të mos marrë lëndë narkotike. Unë jam një grua dhe do ta mbroj veten time. Nëse në botën tënde kjo sjellje është normale për ty, duhet të konsultohesh me një psikiatër. Të uroj shëndet, gjithsesi kjo histori është e mbyllur. Jini të sinqertë dhe të drejtë të gjithë. Ju përqafoj,”- ka shkruar modelja ruse në Instastory.
Fillimisht mesazhi u mor sikur kishte lidhje me Don Xhonin, por duket se e ka pasur me të dashurin e ri.
