Kryetari i parlamentit të Kanadasë Antony Rota, ka marrë pjesë në seancën e sotme plenare në Kuvendin e Shqipërisë.
Ai ka mbajtur një fjalim ku ka folur për marrëdhëniet e Shqipërisë dhe Kandasë. Rota tha se Shqipëria dhe Kanadaja janë angazhuar në shumë çështje dhe kanë thelluar bashkëpunimin e tyre.
“Siç e përmende Kanadaja dhe Shqipëria vendosën para 35 viteve marrëdhënie diplomatike. Sa i përket sigurisë vendi juaj ndihmoi në stabilizimin e rajonit.
Shqipëria ka punuar fort për të forcuar mekanizmat e stabilitetit në rajon përmes Ballkanit të Hapur.
Më erdhi mirë për hapjen e negociatave. Kanadaja mbështet Shqipërinë në integrimin e BE. Presimi të kemi marrëdhënie të ngushtë edhe në Këshillin e Sigurisë, Shqipëria ka punuar fort edhe në masat e tjera. ”, tha ai.
