Dy vëllezër pranuan vrasjen e gazetares së njohur malteze Daphne Caruana Galizia, disa orë pasi i thanë gjykatës se nuk ishin fajtorë për vrasjen e saj.
Gjyqi i Alfred dhe George Degiorgio pritej të zgjaste për disa kohë, por, në një kthesë dramatike, ata ranë dakord të pranonin fajin në këmbim të dënimeve më të buta.
Caruana Galizia, një gazetare dhe blogere, e cila ishte ‘gjemb në këmbë’ për shumë politikanë maltezë, u vra nga një makinë bombë pranë shtëpisë së saj në tetor 2017.
Degiorgios u arrestuan dhe u akuzuan për vrasjen në dhjetor 2017 së bashku me një bashkëpunëtor, Vince Muscat. Yorgen Fenech, një biznesmen i shquar maltez, u akuzua në nëntor 2019 për autorizimin e goditjes.
