Kryeministri Edi Rama gjatë qëndrimit në Berlin si pjesë e Kongresit të Partive Socialiste Europiane është takuar me kancelarin e Gjermanisë, Olaf Scholz dhe personalitete të tjerë.
Kreu i qeverisë ka shpërndarë në rrjetet sociale disa foto nga takimi me Scholz dhe nuk dihet se çfarë kanë biseduar së bashku.
“Dhe nga Berlini, ku sot në mesdite mbyllet me fjalimin e kancelarit Scholz, Kongresi i Socialistëve dhe Demokratëve Europianë, ju uroj një fundjavë të mbarë”, shkruan Rama.
Rama deklaroi në Kongresin e Partisë së Socialistëve Europiane që po zhvillohet në Berlin se në kushtet e krizës energjetike, Europa e bashkuar nuk duhet që ta braktisë Ballkanin Perëndimor, si në rastin e pandemisë së koronavirusit.
