Forcat Speciale së bashku me policinë e Vlorës kanë zhvilluar një aksion mbrëmjen e djeshme në disa pika të qytetit bregdetar.
Aksione janë zhvilluar në Novoselë, Selenicë dhe Vlorë. Ende policia nuk ka bërë me dije se kush janë të arrestuarit, por dy persona janë shoqëruar nga policia.
Këta të fundit ishin duke udhëtuar në një makinë dhe ende nuk dihet arsyeja e arrestimit. Po ashtu janë kontrolluar disa banesa.
Qyteti bregdetar është vënë në shënjestër të policisë që prej zhdukjes së Ervis Martinaj. Dyshohet se për herë të fundit Martinaj është parë në këtë qytet ose mund të fshihet në këtë zonë.
