Dy shtetas turq janë arrestuar nga policia shqiptare në aeroportin e Rinasit. Ata do të trafikonin kanabis sativa drejt Turqisë
“Janë arrestuar 2 shtetas turq të cilët transportonin lëndë të dyshuar narkotike cannabis sativa nga aeroporti i Rinasit në drejtim të aeroportit të Stambollit.
Policia e Shtetit, në bashkëpunim me partnerët turq dhe agjencitë ligjzbatuese shqiptare dhe ato turke, po vijon hetimin e thelluar, për të identifikuar dhe për të vënë përpara përgjegjësisë të gjithë autorët e trafikimit të lëndëve narkotike,” ka njoftuar policia.
Por ditën e djeshme 3 shqiptarë mes tyre dhe një efektiv policie u arrestuan në Turqi, po me kanabis sativa. Dyshohet se ata i kishin trafikuar nga Shqipëria drejt shtetit turk.
Ende nuk dihet nëse ky është një korridor i ri që po përdoret nga trafikantët, por policia ka njoftuar në shtimë të masave për fluturimet Tiranë-Stamboll.
