Kreu i Partisë së Lirisë, Ilir Meta është shprehur se kryeministri Edi Rama është i vetmi përgjegës për krizën e energjitike të shkaktuar në vend.
Përmes një postimi në Facebook, Meta ka thënë se kryeministri në përpjekje për të shmangur vëmendjen e qytetarëve nga fajësia e tij për dështimet 10-vjeçare në sektorin energjetik, kërkon të fajësojë për çmimet pikërisht investitorët që shtuan ndjeshëm prodhimin vendas të energjisë duke investuar mbi 1.2 miliardë euro.
“Këtë energji Furnizuesi i Tregut të Lirë e paguan 8.56 lekë/kwh. Pra 7 herë më lirë se çfarë është duke blerë KESH.
Kosto e investuar për të instaluar 1 MW është përafërsisht 1 milion euro. Aktualisht janë investuar për 1200MW kapacite të instaluara që shërbejnë për sigurinë e furnizimit me energji.
Ndaj në vend që të mbështesë investitorët për rritjen e prodhimit të energjisë në vend dhe t’u krijojë lehtësira, Kryeministri i shantazhon dhe kërkon t’i armiqësojë me qytetarët për të fshehur përgjegjësinë nga vjedhjet e tij skandaloze me importet e energjisë kur ai e ble 7 herë më shtrenjtë se sa ua ble Furnizuesi i Tregut të Lirë prodhuesve vendas,” ka shkruar Meta.
