Ish-deputeti i Partisë Socialiste, Besnik Baraj ka reaguar kundër Edi Ramës në lidhje me protestën e pedagogëve dhe pagat e tyre. Baraja është shprehur se kryeministri duhet patjetër të rrisë pagat e pedagogëve dhe të jenë në të njëjtin nivel me ato në Kosovë.
Ai ka shtuar se korrupsioni, është plagë që ka prekur të gjitha shtresat, por një gjë e them me siguri se arsimi është pjesa më pak e prekur në raport me strukturat e shtetit dhe ato politike.
“Pa dyshim le ti nënshtrohet auditeve e kontrolleve. Pyll pa derra nuk ka, por kurrë nuk mund të hidhet baltë mbi ta në tërësi. Kjo është njesoj si të baltosësh të tërë shoqërinë shqiptare. Mësuesi, futet në ҫdo shtëpi, nëpërmjet nxënësve. Hedhja baltë mbi mësuesin, spërkat dhe nxënësin, bile bën pis edhe prindërit. I thua atij largohu nga ky vend, nuk të arsimon! Ky vend ka nevojë për modele pozitive, ato i gjen kudo po ti kërkosh. Mjaft më me baltosje!!!” ka shkruar Baraj.
