Kreu i Grupit parlamentar të PS-së, Taulant Balla i është kundërpërgjigjur kreut të PD-së, Sali Berishës për financimet ruse.
Pasi Berisha la foltoren dhe atje shkoi Balla, ky i fundit i tha Berishës:
“Sali ke harruar rublat ruse këtu në foltore hajde merri mos i lërë këtu.”
Ai ka shtuar se PD ka hyrë në listën e pagesave nga Kremlini si dhe sipas tij Berisha ka ditur të tërheqë vëmendjen nga e vërteta me rezoluta.
“Sali ti je informuar që në vitin 2008 për atë rezolutë. Të është thënë që po përgatitet një baltë e madhe kundër shqiptarëve dhe Kosovës. Dhe ti nuk reagove fare. Ke hyrë në listë pagesat e Kremlinit. Para diçkaje shumë të madhe, ishte bërë një zhurmë. Ndodhi Gërdeci dhe 30 ditë më vonë u kalua rezoluta e Dick Martyt. Ndodhën vrasjet më 21 janar, por u votua rezoluta,” është shprehur Balla.