Lear Kurti, 32-vjeçari i cili gjeti vdekjen gjatë natës pas shoqërimit nga policia në Tiranë, dyshohet se ka humbur jetën si pasojë e mbidozës së kokainës.
Klan News dhe Report Tv raportojnë se nga ekspertiza paraprake rezulton se në stomakun e të riut është gjetur një përmbajtje plastike, ku dyshohet se kishte lëndë narkotike, kokainë.
Dyshohet se qesen e kokainës ai e ka gëlltitur për të mos ia kapur policia.
Në stomakun e 32-vjeçarit ka shenja hemoragjie, çka mund të jetë shkaktuar nga gëlltitja e lendes plastike ku dyshohet se mbahej lënda narkotike.
Zyrtarisht ende nuk ka asnjë përgjigje nga policia, AMP, mjekësia ligjore apo prokuroria mbi rastin tragjik.
