Kryeministri i Shqipërisë, Edi Rama ka dalë me një deklaratë sqaruese, ku theksoi edhe njëherë se nuk do të ketë vetting dhe as rritje pagash mbi protestën që po zhvillojnë pedagogët.
Rama theksoi se kjo do të ndodh natyrshëm pas pensioneve në fundvit, ku do bëhet edhe bilanci kostove të mburojës së energjisë elektrike, edhe për familjet e pedagogëve që mbrohen nga qeveria!
REAGIMI
Mediat e angazhuara masivisht për ta paraqitur si masive protestën e një pakice pedagogësh,nën udhëheqjen e nongratave e të shiksave të tyre,flasin për gjoja një Veting që do bëka regjimi imagjinar për pedagogët! Asnjë Veting as do bëhet, as është thënë e as është e menduar!
Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes dimri, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!
