Agjencia e Mbikëqyrjes Policore ka reaguar për videon e publikuar ditën e djeshme nga kreu i PD-së, Sali Berisha ku një polic, shihet duke dhunuar një qytetar në Pogradec.
AMP ka njoftuar se për inspektori në fjalë janë marrë masat dhe mbi të rëndon akuza e kryerjen e veprës penale “Kryerja e veprimeve arbitrare”.
“Në konsultim edhe me Prokurorin e gatshëm, nga ana e Drejtorisë Rajonale të AMP Korçë është administruar materiali filmik, është marrë kallëzimi i shtetasit A. T. dhe deklarimet e palëve, si edhe është bërë këqyrja e jashtme e këtij shtetasi në prani të mjekut ligjor.
Materialet proceduriale u referuan në Prokurorinë pranë Gjykatës së Shkallës së Parë Pogradec,” ka njoftuar AMP.
