Qeveria ka vendosur të shtojë numrin e punonjësve të administratës shtetërore. Edhe pse në krizë ekonomike, ka vendosur që të shtojë 548 punonjës më tepër gjatë vitit të ardhshëm.
Buxheti i vitit të ardhshëm do të shpenzojë më shumë para për të punësuarit e rinj në administratë. 2023-i është një vit elektoral dhe mesa duket qeveria ka vendosur të rrisë numrin e punonjësve buxhetorë.
Shtesë në strukturën e punonjësve përfitojnë disa ministri. Numri më i lartë i të punësuarve të rinj pritet të emërohen në Ministrinë e Infrastrukturës. Kjo ministri do të ketë 155 persona më shumë.
Po ashtu edhe Ministria e brendshme do të ketë një numër të konsiderueshëm të punonjësve të rinj nëse e krahasojmë me vitin aktual saktësisht stafit të ministrisë do i shtohen 139 persona.
Vlen të theksohet se institucionet që do të kenë numrin më të ulët të punonjësve do të jetë ministria e arsimit ,struktura e të cilës parashikohet të zgjerohet me vetëm 15 punonjës të rinj.
Kjo shtesë e administratës shtetërore vjen në një vit elektoral, ndërsa nëse bëjmë një vlerësim në 5 vitet e fundit qeveria e majtë ka shtuar të punësuarit në administratë me rreth 2 mijë e 642 persona.
SHTESAT E PUNONJËSVE SIPAS MINISTRIVE:
MINISTRIA E INFRASTRUKTURËS 155
MINISTRIA E BRENDSHME 139
MINISTRIA E FINANCAVE 57
MINISTRIA E BUJQËSISË 42
KRYEMINISTRIA 19
MINISTRIA E ARSIMIT 15
