Kreu i PD-së, Sali Berisha në tryezë me studentët është shprehur se këta të fundit duhet të mbështesin çdo kauzë si ajo e Lear Kurtit dhe atë të pedagogëve.
Sipas tij, PD dhe çdo qytetar duhet të dali të protestojë dhe se demokratët do të vijnë në një protestë të fuqishme deri në rrëzimin e Edi Ramës.
“PD po përgatitet për protesta të fuqishme, por do të mbështesim çdo protestë të drejtë. Kauza e Lear Kurtit i përket çdo shqiptari. Ai po kthehej duke folur në telefon. përse do ta ndaloje? Kishte kallashnikov? Ai po kalonte mes rrugës dhe para i dalin banditë për t’i marrë shpirtin dhe nuk i japin ndihmë. Këto nuk mund t’i pranojmë. Unë kam besim tek ju, kjo betejë do të nisë dhe do të mbarojë me rrëzimin e kësaj qeverie”, tha Berisha.
