Kreu i PD-së, Sali Berisha gjatë një takimi me studentët është shprehur se tarifa dhe mënyra sesi Rama vendosi kritere për universitet është kthyer në një mollë të ndaluar.
Ai tha se universitetet qëkur janë krijuar, ndër të tjera kanë patur mision luftën kundër varfërisë, direkt duke shkolluar fëmijët e familjeve të varfra dhe të zonave të varfra.
“Çfarë bëri Edi Rama me parimet e mëparshme të universiteteve me pranim selektiv? Rriti mesatare. Por ju duhet ta dini që rritja e mesatares godet dhe goditi zonat e varfra të vendit. Një gjimnaz i Tiranës ka sigurisht një mesatare më të lartë se e gjithë Shqipëria. Dhe po t’i marrësh pastaj me zona qarqe të tëra, fëmijët mbesin pa ardhur në universitet, ose vijnë me raste ekzotike, se të tjerët nuk kanë mesatare,” është shprehur Berisha.
