Po hyhet në javën e fundit ku përfundon afati i dhënë nga Qeveria e Albin Kurtit për qytetarët serbë, që t’i zëvendësojnë targat ilegale të automjetëve.
Ndërkombëtarët tashmë kanë kërkuar publikisht që afati të zgjatet. Emisari amerikan ka thënë se Kosova duhet ta dëgjojë, kur SHBA dhe shtetet e tjera të QUINT-it i propozojnë diçka. Qeveria nuk ka dhënë shenjë se do ta bëjë këtë.
I dërguari i Shteteve të Bashkuara të Amerikës për Ballkanin Perëndimor, Gabriel Escobar, kërkon që Qeveria ta shtyjë afatin e dhënë për zëvendësimin e targave, që deri tash janë lëshuar ilegalisht për serbët e Kosovës.
Por, kjo nuk ishte thjesht një kërkesë.
Escobar thotë se SHBA dhe QUINT-i kërkojnë që të shtyhet afati për targat dhe se kjo kërkesë duhet të përfillet.
Dhe, kjo është për shkak se ne jemi shtetet që e përkrahim më së shumti Kosovën”.
“Besojmë se është e rëndësishme që kur ne bëjmë rekomandime, njerëzit t’i dëgjojnë ato”, tha Escobar të mërkurën, duke bërë të ditur se akoma nuk e kishte marrë një zotim nga Qeveria apo Presidentja se do t’ua aprovojnë kërkesën.
