Shqiptari Avni Meçja ka vrarë gruan e tij rumune 35 vjeç në Bolzano të Italisë.
Trupi i pajetë i gruas u zbulua të dielën nga policia brenda apartamentit të saj, por dyshohet se 35-vjeçarja mund të jetë vrarë të shtunën.
Sipas fqinjëve të çiftit, të cilët kanë folur për policinë italiane, shqiptari dhe gruaja e tij rumune ziheshin shpesh. Dhe të bërtiturat e fundit që ata kanë dëgjuar kanë qenë pikërisht ditën e shtunë.
Në videon që shihni më poshtë shihet banesa e çiftit e cila më pas u kthye në skenë krimi.
Por pavarësisht debateve që kishin brena katër mureve të shtëpisë çifti në rrjetet sociale tregonin që kishin një jetë bashkëshortore të lumtur dhe se gjithçka ishte në rregull.
