Qindra dolën në rrugët e Lhasës, kryeqytetit të Tibetit, për të protestuar kundër kufizimeve të vendosura për t’u marrë me pandeminë Covid-19, një demonstrim i rrallë në këtë rajon që kontrollohet fort nga autoritetet kineze.
Për gati tre muaj, Lhasa ka qenë nën izolim për shkak të politikës “zero Covid” të Kinës, duke vënë në karantinë miliona njerëz sapo të zbulohen rastet më të vogla pozitive. Tre vjet pas shfaqjes së rasteve të para, në qytetin Wuhan, një pjesë e popullsisë shfaqet e zemëruar me masat.
Videot e postuara në Douyin, versioni kinez i TikTok, tregojnë qindra njerëz që protestojnë në Lhasa të mërkurën. Në mesin e protestuesve ishin punëtorë emigrantë të cilët po kërkojnë leje për t’u larguar nga Tibeti dhe për t’u kthyer në rajonet e tyre të origjinës.
