Së fundmi janë hedhur akuza kundër Britanisë së Madhe për shpërthim të tubacionevetë gazit Nord Stream.
Por Britania i ka mohur këto akuza.
Sipas saj, ky pretendim është i pavërtetë dhe e cilësoi si një “akuze e rreme e një përmase epike”.
“Për të penguar trajtimin e tyre katastrofik të pushtimit të paligjshëm të Ukrainës, Ministria ruse e Mbrojtjes po përdor pretendime të rreme në një shkallë epike”, tha një zëdhënës i ministrisë së Mbrojtjes së Britanisë.
Sipas tij, kjo histori, thotë më shumë për argumentet që ndodhin brenda qeverisë ruse sesa për Perëndimin.Ishte ministria e Mbrojtjes ruse që akuzoi Britaninë e Madhe për përfshirje në shpërthimet e gazsjellësit.
“Përfaqësuesit e kësaj njësie të Marinës Britanike morën pjesë në planifikimin, sigurimin dhe zbatimin e një sulmi terrorist në Detin Baltik më 26 shtator që hodhi në erë tubacionet e gazit Nord Stream 1 dhe Nord Stream 2”, tha Ministria ruse në një deklaratë.
