-sidi education-spot_img
25.5 C
Tirana
-sidi education-spot_img

Kërcënohet me jetë autorja që postoi videon e dhunës ndaj të moshuarës në azil

Kryesoret

Kaltrinë Zeneli aktore dhe aktiviste, është gruaja që ka postuar videon, ku infermierja shfaqet duke dhunuar të moshuarën.

Zeneli tregon se ka marrë kërcënime me jetë pas publikimit të videos.

“Veç mos t’pafsha në rrugë se kom me t’myt”, ky ka qenë njëri nga mesazhet kërcënuese që ka marrë, Kaltrinë Zeneli.

Ajo ka treguar për mediat se  brenga e saj është që nuk ka asnjë informacion se çfarë ka ndodhur me personin që ia ka dërguar videon.

‘Veç mos t’pafsha në rrugë se ko me t’myt’ ka qenë një ndër mesazhet kërcënuese. Për mua nuk çojnë peshë këto komente. E vetmja brengë është për personin që ma ka dërguar videon dhe nuk e di çka ka ndodh me të. Profilin prej të cilit ma ka dërguar videon, është mbyllur. Nuk e di a ka ndonjë problem me të apo çfarë po ndodh”, ka thënë ajo.

“Përveç meje, mesazhe kërcënuese kanë marrë edhe profilet e tjera që kanë të njëjtin emër. Po dua me ia bë të ditur të gjithëve se nuk kam qenë unë ajo që ka incizuar. Kush ka ndonjë problem të më shkruajë mua”, shtoi aktorja Zeneli

“Unë punoj në Artpolis, një organizatë feministe dhe reagojmë për raste të ndryshme kur ka dhunë familjare. Gjatë kohës që kam qenë me kolegët pak para provave, më ka shkrujt dikush dhe ka kërkuar me dit qysh me raportu një dhunë. I thashë thirre Policinë, ata të drejtojnë ku duhesh me shku.

Më tha, a mundesh me ma gjet një numër që merret këto raste dhe po më tregon që është ushtru dhunë ndaj një të moshuare. Unë prapë i thashë thirre Policinë. E vazhdova ditën. Pas dy-tre ore, e pyeta a ka marrë një iniciativë. Më tha që ishte duke pritur për të shkuar në Polici.

Por aty ma ka dërgu videon. Pasi e kam pa, nuk mujta me prit më dhe e kam postuar menjëherë. Nuk kam mundur ta shoh videon deri në fund. Jam shtangur, nuk kam dit me reagu. E kam qit nënën time në vend të saj. Nuk e di… s’po gjej fjalë të përshkruaj”, u shpreh aktorja.

Zeneli e kishte postuar në profilin e saj në Facebook videon kur një punonjëse ushtron dhunë fizike ndaj të moshuarës në një shtëpi private të moshuarish në Pejë.

 

/5pyetjet.al

spot_img
spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit