Sot në ditën e 15 të protestës masive në Tiranë, janë grumbulluar mijëra qytetarë para Kryeministrisë të cilët kërkojnë dorëheqjen e Edi Ramës.
Ndërkohë po sot deputetja e qarkut të Shkodrës, Marjana Koçeku e njohur si ‘Neomalsorja’ braktisi grupin parlamentar socialist.
Ndërsa ky lajm u prit me ovacione nga protesta para Kryeministrisë.
Protestuesit ftuan deputeten t’i bashkohet sheshit të protestës.
“Duhet të rrimë në shesh, ata do të bien si gurë dominoje. Ne vlerësojmë vendimin e marrë nga deputetja por themi që kjo është vetëm gjysma e punës, gjysma tjetër është të vijë në shesh e të këndojë me ne “Rama jepe dorëheqjen! Do të jemi këtu derisa Rama të ngelet vetëm, kur të jetë në qeli”, u shpreh një prej organizatorëve të protestës.
