Kryetari i Alternativës Shqiptare dhe Komunës së Tuzit, Nik Gjeloshaj, është dërguar në policinë e Podgoricës, pasi dyshohet se ka fyer dhe nënçmuar policët.
Burime të “Vijesti” bëjnë me dije se Gjeloshaj ka debatuar me policët pasi patrulla rrugore ka dërguar për kontroll teknik emergjent makinën me familjarët e tij për shkak të xhamave të zinj.
Nga Drejtoria e Policisë nuk kanë dashur të komentojnë rastin, por kanë thënë se masat dhe veprimet policore janë në vazhdim e sipër, pas së cilës do të lëshojnë një deklaratë.
