Kryeministri Edi Rama ka zhvilluar një mbledhje me grupin parlamentar dhe qeverinë, ku ka diskutuar një sërë çështjesh të rëndësishme.
Në postimin e tij në Facebook, ai theksoi fokusin në përparimin e procesit të komunikimit me organizatat socialiste dhe zhvillimet e fundit në negociatat për anëtarësimin e Shqipërisë në Bashkimin Europian.
Postimi i plotë:
“Sot në mbledhjen e zgjeruar të fundmuajit, me grupin parlamentar dhe qeverinë, diskutuam për ecurinë e procesit të komunikimit me organizatat socialiste për “Punët e Shqipërisë”, për ecurinë e negociatave të anëtarësimit në Bashkimin Europian, e për kalendarin e nismave ligjore të lidhura me anëtarësimin, si edhe për “Majin e Europës” dhe ritakimet e brezave në vigjilje të 35-vjetorit të Partisë Socialiste”.
