Biznesmeni shqiptar Ervin Mata është arrestuar në Brazil pas lëshimit të një urdhri arresti nga Gjykata e Lartë Federale.
Ai kërkohet nga SPAK për trafikimin e kokainës nga Amerika Latine në Europë.
Prokuroria e Posaçme ka kërkuar ekstradimin e Mates, i cili dyshohet se është përgjegjës për trafikimin e sasive të mëdha të narkotikëve.
Sipas SPAK, grupi i tij është kapur me 931 kilogramë lëndë narkotike gjatë dy viteve të fundit. Paratë e fituara nga ky aktivitet, besohet se janë investuar në projekte ndërtimi në Shqipëri.
Për të shmangur autoritetet, grupi i ka kaluar këto fonde përmes sistemit të transferimeve Hawala, një metodë tradicionale për kalimin e parave jashtë monitorimit të bankave.
