Kryeministri Edi Rama nuk e ka kapërdirë intervistën e Ilir Metës për radion britanike “LBC” në lidhje me problemin e emigrantëve shqiptarë në Britaninë e Madhe. Edi Rama kërkoi që politika shqiptare duhet të jetë e unifikuar kur flet në gjuhë të huaj për Shqipërinë.
Pse po ikin shqiptarët? Meta flet për britanikët: Tre arsyet përse marrin gomonet
“Ilir Meta del e mbron qeverinë britanike nga unë. Është njëlloj faqe zezëllëku, që e shoqëron Shqipërinë dhe shqiptarët që nga viti 1912. Është një lloj shqiptarësh që nuk u ndahen shqiptarëve si mallkim.
Që nuk kanë asnjë lloj cipe. Iliri i shkretë ka shumë arsye. I ikën mendja e kokës dhe janë në gjendje të bëjnë gjëra nga më të hatashmet. Se çfarë i duhet qeverisë britanike ta mbrojë Ilir Meta nga unë! Kur vjen puna te Shqipëria dhe shqiptarët duhet të jemi një.
Nuk kemi asnjë arsye të jemi të ndarë fare. Ne në gjuhë të huaj duhet t’u themi të gjithëve, që “vëllezërit tanë, nuk preken” tha Edi Rama nga Lushnja.
