Komisioni Qendror i Zgjedhjeve i kërkoi qeverisë të rrisë fondin e zgjedhjeve me 3 miliardë lekë.
Kërkesa erdhi nga Ilirjan Celibashi i cili u shpreh se këto para do të përdoren për votim dhe numërim elektronik në 6 bashkitë më të mëdha të vendit, rezultati i të cilave mban varur edhe fatin politik të partive garuese.
Kryetari i grupit të PS-së, Taulant Balla tha sot se “shuma është kolosale, por do të diskutohet. Në fokusin tonë janë familjet në nevojë” tha ai.
Deputeti socialist i mbylli derën njëherë e përgjithmonë mundësisë për shtimin e bashkive.
“Nuk ka si të ketë votim raportesh, do të kishte votim nëse do të kishte amendamente. Nuk ka më kohë për këtë çështje. Në 14 maj në Shqipëri do të votohet në 61 njësi” tha ai.
