Kreu i LDK-së, Lumir Abdixhiku, ka reaguar në lidhje me situatën e krijuar për zgjedhjen e Presidentit, duke theksuar se tani është vetë kryeministri Albin Kurti ai që po kërkon mbështetje nga PDK-në.
Abdixhiku e ka krahasuar këtë situatë me krizën institucionale të vitit të kaluar, kur ai kishte kërkuar formimin e një qeverie uniteti, duke nënkuptuar se nuk ishte mbështetur nga PDK-ja në atë kohë.
“Kurti po i kërkon 90 vota. Pra LDK-ja 90 vota s’mund t’i bëjë. I bie se ai kërkon bashkëpunim edhe me PDK-në. Vitin e kaluar, kur kisha propozuar Qeverinë e Unitetit, ju kujtohet se si më thonin se pa PDK s’po mundesh. Më duket se këtë herë ai s’po mundet pa PDK-në,” tha Abdixhiku.
