Kryeministri i Shqipërisë, Edi Rama ka takuar ambasadoren e Shteteve të Bashkuara të Amerikës Linda Thomas-Greenfield, anëtare e kabinetit të Presidentit Joe Biden.
Greenfiled u shpreh se ishte kënaqësi për të takimi me Ramën. Ajo u shpreh se mes dy palëve do të ketë bashkëpunim.
“Kënaqësi të takohem me Kryeministrin Edi Rama. Teksa shënojmë 100-vjetorin e marrëdhënieve mes SHBA-së dhe Shqipërisë, e falënderova për partneritetin e qëndrueshëm të vendit të tij, veçanërisht përballë kërcënimeve të agresionit rus dhe sulmeve kibernetike të Iranit” shkruan ambasadorja.
