Forcat ajrore të Ukrainës thonë se sistemet e sapoardhura të mbrojtjes ajrore perëndimore do të ndihmojnë në përballimin e kërcënimit të ri të raketave balistike iraniane që janë blerë nga Rusia.
Yuriy Ihnat, zëdhënësi i Forcave Ajrore, tha në një konferencë se Ukraina mund të synojë raketat iraniane në vendet e tyre të lëshimit, të cilat ndoshta do të ishin brenda Rusisë.
“Ato duhet të shkatërrohen disi, ndoshta nga vendi ku janë lëshuar. Sepse ne nuk kemi mjete efektive për të luftuar raketat balistike, përveç shkatërrimit të tyre fizik në fazën e lëshimit.”
Ihnat shtoi se raketat iraniane kanë një rreze prej 300 dhe 700 kilometrash, që në parim nuk do të krijojë asgjë të re për Ukrainën, sepse Iskanderët [të prodhuar nga Rusia] u përdorën që në ditën e parë të luftës.
“Unë mendoj se si udhëheqja e lartë ushtarake ashtu edhe partnerët tanë po punojnë për këtë çështje, duke kërkuar mënyra efektive për t’iu kundërvënë këtyre kërcënimeve të reja,” tha Ihnat.
