Alarm i rremë për bombë brenda prokurorive dhe gjykatave në Tiranë. Paraditen e sotme rreth orës 10:30 një telefonatë anonime ka “ngritur në këmbë” policinë e Tiranës.
Telefonata sinjalizonte për një bombë që ishte vendosur brenda njërës prej godinave të prokurorive apo gjykatave në kryeqytet.
Telefonata nuk ishte specifike duke vendosur në alarm të gjitha institucionet e drejtësisë.
Prokurorët, gjyqtarët dhe i gjithë personeli i strukturës së SPAK-ut, BKH-së, Gjykatë së Posaçme, por edhe të tjerave kanë dalë me shpejtësi.
Policia verifikoi rastin duke kontrolluar të gjithë godinat dhe rezultoi se alarmi ishte fals.
