Shqipëria ka dorëzuar zyrtarisht kërkesën për aderimin në Partneritetin Ndërkombëtar për Informim dhe Demokraci. Kështu bëri me dije kryeministri Edi Rama nga Forumi i Paqes në Paris.
Në fjalën e tij, Rama tha se është pesimist për situatën në të cilën ndodhet fjala e lirë momentalisht por shtoi se ka shpresë së gjithçka do të ndryshojë.
Rama nga Francë: Pa Kinën, Rusinë dhe Turqinë nuk do e kishim përballuar pandeminë!
“Kam qenë i frustruar nga pamundësia për të përftuar një mënyrë komunikimi mes institucioneve dhe botës së medias. Pastaj takova Kristofin, mësova për këtë gjë dhe mu duk e shkëlqyer dhe shumë e dobishme me një potencial të madh për të sjellë njerëzit bashkë e për të krijuar një hapësirë ku të gjithë kanë vendin e tyre. Jetuam në atë që ishte në një vend si Korea e Europës të izoluar nga Perëndimi e Lindja, kurrë nuk ëndërronim për median e lirë.
Në Paris në atë kohë më kishin refuzuar vizën për në Britani. Përmes një miku këtu arrita të shkruaj një artikull për The Gaurdian. E kishim çelur shtypin e lirë në Shqipëri. Një xhungël në atë kohë. Marr një mesazh nga The Gaurdian. mesazhi ishte që duam të flasim me ty nëse jeni i lumtur me titullin që i vëmë ne. Mendova si mund të më pyesin mua për këtë. Të nesërmen më telefonuan. Titulli ishte më i mirë se ai që i kisha vënë unë. Thash pse më pyesni mund ta botonit. Gruaja në anën tjetër më tha nuk funksionon kështu duhet të kontrollojmë çdo detaj me autorin. Sot jetojmë në një botë ndryshe.
‘Tani e kuptoj pse Putin kërkon t’ju përqafojë’/ Rama batuta me Macron në Forumin e Paqes në Paris!
Të rregullosh lirinë e fjalës, është sfidë e stërmadhe, sfida e civilizimit tonë, nuk mund të përhapen gënjeshtra si të vërteta. Jam shpresëplotë se diçka do të ndryshojë. Drejtpeshimi, nëse një ekuilibër do shpëtojë njerëzimin ndryshe do jemi në një situatë të keqe shumë shpejt. Jam shumë pesimist. Do të doja t’i bëja jehonë krenarisë së Shqipërisë që është shteti i 50 pas SHBA që aplikon”, tha Rama.
