Kryetari i grupit të PS-së, Taulant Balla ka shkuar në spitalin e Lushnjes pas plagosjes me thikë të kryetarit të bashkisë së Divjakës, Fredi Kokoneshi dhe shoferit të tij, Gazment Bullari. Deputeti socialist fajësoi klimën e përçarjes që ka krijuar opozita për ngjarjen e sotme.
“Ngjarja është shumë e rëndë. Shpresoj që t’ia hedhin kësaj situate të vështirë. Ata i janë nënshtruar ndërhyrjeve kirurgjikale.
Kjo është produkt i ndasisë politike. Shpresoj që çdo qytetar ta kuptojë që në këto ditë të vështira të jemi të bashkuar jo të ndarë.
Një i çmendur mori thikën doli nga shtëpia dhe shkoi ta godasë. Të ndalet ndasia politike. Mjaft më duke vrarë njëri tjetrin”.
I futën thikën! Drejtoresha e spitalit flet për “5pyetjet.al”: Kokoneshi u qëllua në shpinë
Por si është gjendja e të lënduarve? “Janë operuar, shpresoj që të shkojë mirë” tha më tej Balla, i shoqëruar nga kryetari i bashkisë Fier.
Autori i plagosjes së Kokoneshit dhe shoferit të tij është ish-punonjësi i bashkisë, Orges Xhelili.
