“5pyetjet.al” zbardh detaje të reja nga ngjarja e rëndë që ndodhi paraditen e sotme në Divjakë, ku u qëllua me thikë kryetari i bashkisë dhe shoferi i tij.
Drejtoresha e spitalit të Lushnjes, Laura Xhafa tha për “5pyetjet.al” se Fredi Kokoneshi dhe shoferi i tij janë jashtë rrezikut për jetën.
“Kryetari është në gjendje stabël, jashtë rrezikut për jetën. Po mjekohet këtu, nuk do të dërgohet në Tiranë. Plagët i ka në shpinë” tha Laura Xhafa.
Pro si ndodhi?
Ngjarja ndodhi në qendrën shëndetësore të Divjakës. Fredi Kokoneshi i shoqëruar nga shoferi janë futur në qendrën shëndetësore ku ka ndodhur më pas konflikti me Erges Xhelilin.
Debati ka agravuar dhe Xhelili ka nxjerrë thikën duke i qëlluar të dy, kryetarin e bashkisë dhe shoferin e tij, Gazmend Bullari. Shkaku i sherrit ende nuk dihet.
“5pyetjet.al” mëson se autori më parë ka qenë punonjës i bashkisë së Divjakës që drejtohet nga Kokoneshi, ndërsa te qendra shëndetësore që ndodhi sherri kishte të punësuar gruan.
Kjo nuk është hera e parë që Kokoneshi dhunohet dhe goditet. Në korrik ai një tjetër ngjarje.
Sherr dhe ofendime! Ky është autori që tentoi të vrasë kryetarin e bashkisë Divjakë
