Lulzim Basha ka reaguar pas deklaratave të Sali Berishës sot i cili denoncoi se “pas aferës së Durrësit fshihet Rama dhe Lulzim Brava”.
Ne reagimin e tij, Basha thote se “sa herë do të fshehë diçka, non grata hap thesin e mashtrimeve dhe shpifjeve. Trekëndëshi i Bermudës është i pandarë në korrupsion, lidhje me krimin dhe minim të demokracisë”.
Nderkohe qe me heret Berisha akuzoi se ne Portin e Durresit “60 përqind të aksionerëve janë Edi Rama dhe Lulzim Brava dhe mafiozët e tyre”.
“Pasi ka vjedhur 420 milionë euro me firmën e tij për ndërmarrjen e tij të djegësve, vërsulet i tërbuar për të vjedhur 1 milion metër katror tokë në një sipërmarrje, shumë shpejt do e njihni, me dokumente false.
60 përqind të aksionerëve janë Edi Rama dhe Lulzim Brava dhe mafiozët e tyre. Po organizojnë në Durrësin e Shqipërisë vjedhjen më të tmerrshme në histori”, tha Berisha ne deklaraten per mediat te henen.
