Ish-Presidenti i vendit Ilir Meta nëpërmjet një reagimi në Facebook është shprehur se “Diella” nuk I mbulon dot të vërtetat sado që kryeministri Rama të përpiqet.
Sipas Metës Shqipëria ka arritur nivelin e dishezës, pasi në raportin e Transparency International renditet në 11 vendet e para për korrupsionin masiv dhe pastrimin e parave të pista të drogës kryesisht në sektorin e ndërtimit.
Postimi i Metës
“Diella” nuk i mbulon dot të vërtetat që i di e gjithë bota, por dhe që i vuajnë çdo ditë e më shumë shqiptarët.
Shikoni tatëpjetën e pandalshme të zhvlerësimit të euros dhe dollarit me lekun, për të kuptuar se narkoekonomia është vetë Narkoshteti.
Por mjafton të shihni edhe dishezën me 11 vende për korrupsionin në raportin e Transparency International për të kuptuar se kur paratë e drogës dhe korrupsionit shkrihen në një, siç është shkrirë partia në pushtet me shtetin, pasojat janë katastrofike për qytetarët.
Këta jo vetëm kërcënojnë gazetarët vendas por duan t’u mbyllin gojën edhe atyre të huaj, si gazetarit investigativ italian, Nello Trocchia, të cilit i shpreh solidaritetin tim të plotë.
