Kryeministri Edi Rama, gjatë një takimi me fermerët në Berat ka folur për fatkeqësinë e tretë, atë të luftës së Ukrainës.
Ai është shprehur se lufta ka ndikuar në energji dhe inflacion. Rama ka theksuar gjatë fjalës së tij se deri më tani energjia nuk është ndjerë në xhepin e shqiptarëve.
“Ka dy armë që ne nuk kemi çfarë t’u bëjmë se prekin nga Polonia deri në Islandë.
E para është çmimi i energjisë dhe vjen në çdo derë ku ndizet një dritë. E dyta është inflacioni, dora e padukshme që të kapë sa herë që ti fut dorën në xhep për të paguar e për të blerë diçka që do pjesën e tij.
Inflacioni i luftës do pjesën e tij. Tani ne kemi neutralizuar armën e parë, faturat e energjisë nuk kanë asnjë ndryshim dhe s’ka luftë,” është shprehur Rama.
Gjatë 2021, Shqipëria prodhoi 6.5% më shumë energji se ajo që konsumonte, por nga ana tjetër po atë vit qeveria bleu një shifër rekord prej 225 milionë euro në mes të dhjetorit të 2021.
