Prokuroria e Posaçme, SPAK ka arrestuar 5 persona lidhur me dosjen e inceneratorëve nga 11 që janë shpallur në kërkim.
SPAK ka arrestuar biznesmenin Arben Dervishaj, zëvendëskryetari i Shoqatës së Ndërtuesve. Ai është arrestuar për dosjen e inceneratorëve.
Por për çfarë është arrestuar biznesmeni?
Firma e Arben Dervishajt ka qenë supervizore e punimeve në inceneratorin e Fierit. Në dosje theksohet se mbi bazën e konfirmimeve që ka bërë kompania e Dervishajt, janë bërë pagesat për inceneratorin e Fierit.
Firma e tij ka konfirmuar se janë kryer punimet duke u hapur rrugën kalimit të parave, por nga kontrolli në terren rezultoi e kundërta. Për situacionet fiktive që ka deklaruar ai është arrestuar.
Mes personave në kërkim është edhe Mirel Mërtiti. Pesë nga të kërkuarit dyshohet se ndodhen jashtë territorit shqiptar.
Arrestohet biznesmeni Arben Dervishaj për dosjen e inceneratorëve
