Apeli i Gjykatës kundër Krimit dhe Korrupsionit ka lënë në burg biznesmenin e peshkut Gentian Malindin.
Malindi u kap nga policia tetor të këtij viti në një bar kafe në Vorë. Ai rezultonte i shpallur në kërkim për trafikim të lëndëve narkotike. Biznesmeni u vë në shënjestër të DEA-s pasi me ngarkesën e kompanisë Alba Fruit Exotics priste një ngarkesë kokaine, e cila ishte zëvendësuar me oriz në portin e Pireut nga DEA.
Në 27 tetor, ai u paraqit si shtetas nga Kosova me dokumente të falsifikuara.
Njoftimi i Gjykatës
Në vijim, Gjykata e Rrethit Gjyqësor Tiranë, ka zhvilluar gjykimin lidhur me vlerësimin e ligjshëm të arrestit dhe caktimin e masës së sigurimit “arrest ne burg”, ndaj personit nën hetim shtetasit me iniciale G.M. i dyshuar për kryerjen e veprës penale të “Falsifikimi i letërnjoftimeve, pasaportave, ose i vizave, të parashikuar nga neni 189/2 të K.Penal.
Me vendimin nr. 2271 Akti, datë 30.10.2022 Gjykata e Rrethit Gjyqësor Tiranë vendosi:
– Vlerësimin si të ligjshëm të arrestimit të shtetasit G.M.
– Caktimin si mase sigurimi personal ndaj shtetasit G.M, atë të “arrestit ne burg”, te parashikuar nga Neni 238 i K. Pr. Penale.
Çështja në apel u shqyrtua mbi bazën e ankimit të bërë nga personi nën hetim me iniciale G.M.
Në përfundim të gjykimit Gjykata e Apelit Tiranë, e përbërë nga Gjyqtare znj.Irida Kacerja, me vendimin nr, 996 datë 15.11.2022 vendosi:
- Miratimin e vendimit nr.2271 akti, date 30.10.2022 te Gjykates se Rrethit Gjyqesor Tirane.
