Presidenti i SHBA-ve Joe Biden merr udhëzime me detaje se çfarë duhet të bëjë përpara mbledhjeve të rëndësishme. Kësaj radhe Biden është kapur nga kamerat me një letër në dorë që mbart të gjithë udhëzimet se si ai duhej të sillej gjatë samitit të G20.
Në dokument shihet lista e udhëzimeve që nga më e thjeshta se “ku duhet të ulet” dhe deri te momenti kur duhet të japë mendimin e tij.
Kjo nuk është hera e parë që Biden-it i shfaqen në dorë udhëzime të tilla. Një gjë e ngjashme u regjistrua dhe në qershor gjatë një takimi me krerët e kompanive të industrisë së energjisë së prodhuar nga era.
Por për shumë ekspertë, diçka e tillë është një shenjë tepër shqetësuese për shëndetin mendor të liderit më të fuqishëm në botë.
Por ajo që është më e dyshimta është se presidentit i shkruhet me të madhe përemri “Ju” dhe jo emri i tij.
