Futbollisti me origjinë shqiptare, Marash Kumbulla ka treguar këmbënguljen e tij për të qëndruar në skuadrën e Romës, pavarësisht zërave që qarkullojnë për shkurtime.
Qendërmbrojtësi shqiptar nuk ka arritur të ndikojë deri më tani këtë sezon që kur ai pësoi një dëmtim në fitoren e Romës ndaj Monzas në gusht.
Pas rikuperimit të plotë, Kumbulla bëri vetëm një paraqitje të shkurtër në ligë me Lecce-n dhe në Ligën e Evropës me Helsinkin.
Ndërkohë, Roma dëshiron të forcojë më tej mbrojtjen e saj dhe të shtojë një qendërmbrojtës që i përshtatet kërkesave të Mourinhos.
Ndaj, drejtori i përgjithshëm i Romës, Tiago Pinto, planifikon të zhvillojë një takim me Kumbullën dhe shoqëruesit e tij, i cili do të shërbejë për të komunikuar gatishmërinë e klubit për t’u ndarë me lojtarin.