Gramoz Rexhepi, ky ishte emri i parë, që ai mbante kur u përballë për herë të parë me drejtësinë për dy vrasje me pagës në 1990. Mutaraj, Lulëzim dhe Edmir Kraja janë emrat e tjetër që përdori ai.
Edhe pse aso kohe, “koka” e kokainës së Ekuadorit, ishte thjesht një adoleshent. Vite më vonë, në 2013, gjykata e Tiranës e dënon me 25 vite burg, po për këtë krim.
Rexhepi, teksa po vuante dënimin e tij në Itali për trafikim kokaine, ka treguar se 2005 ëndërronte të studionte për Drejtësi, por ëndrra i ishte lënë në mes për shkak të akuzave për vrasje.
“Kisha dy mundësi, t’i dorëzohesha një sistemi të padrejtë dhe të kalbur në Shqipëri, që do të çonte në burgim të përjetshëm, ose të kërkoja një shans të dytë për të bërë diçka tjetër me jetën time. Prandaj u futa në tregtinë e drogës,” është shprehur ai.
Në vjeshtën e vitit 2011, Rexhepi arriti të largohej nga Merksplas së bashku me një tjetër të burgosur. Ai u fsheh, por mbeti në Beneluks, dhe ndoshta ka jetuar në Roterdam, por ndoshta edhe në Spanjë. Aty doli emri i tij si i dyshuar për përfshirje në një sërë grabitjesh bankash.
Kompania Bello
Që nga ai moment, Rexhepi dhe një sërë bashkatdhetarësh filluan të ndërtonin një rrjet që merrte sasi të mëdha kokaine në portet e Roterdamit dhe Antwerpen dhe e shpërndante atë në të gjithë Evropën, veçanërisht në Itali.
Prokurorët shqiptarë dhe italianë drejtuan operacionin “Los Blancos” dhe hartuan ngadalë rrjetin. Prokuroria e Firences e quajti më vonë rrjetin “Kompania Bello”: një kartel prej 14 organizatash kriminale shqiptare që ishte aktive në Ekuador, Holandë, Belgjikë, Shqipëri dhe Itali të paktën nga viti 2014 (në vitin 2020, operacioni Los Blancos u shemb dhe dhjetëra njerëzit u arrestuan ).
Në qershor të vitit 2014, Rexhepi u arrestua në Quito, kryeqyteti i Ekuadorit, si pjesë e një operacioni droge nga policia që sekuestroi 278 kilogramë kokainë. Për këtë ai u dënua me 13 vite burg. Gjykata e Lartë në Ekuador vendosi që pas vuajtjes së dënimit ai të ekstradohej në Shqipëri për vrasjen e dyfishtë. Këtë pranverë ai preu byzylykun e kyçit të këmbës për t’u fshehur. Dënimi i tij pothuajse ishte kryer, por tani ai është i arratisur në Ekuador.
Ndërkohë që drejtues të tjerë të “Kompania Bello” ndodhen në burg në Itali, Rexhepi është tashmë i lirë dhe shihet si lideri i padiskutueshëm i mafies shqiptare të kokainës./Crimesite
