Kryeministri i Kosovës, Albin Kurti nga Kukësi ka folur në lidhje me samitin e BE-së që do të mbahet në 6 dhjetor në Tiranë.
Kurti ka deklaruar se Kosova dëshiron që Ballkani të bëhet evropian dhe demokratik.
“Ky samit e kthen Tiranën kryeqendrën evropiane. E unë dua sa më shumë marrëdhënie të mira mes Ballkanit Perëndimor dhe BE-së. Kam dëshirë dhe dua që Ballkani të bëhet evropian e demokratik. Gëzohem shumë që ky samit po mbahet në një kryeqytet si Tirana. Ne jemi të bindur që BE është e ardhmja dhe fati ynë. Mezi pres që ne si qeveri e shtet i Kosovës ti bashkëngjitemi BE-së e krejt Ballkanit,” tha ai.
Kryeministri i Kosovës Albin Kurti bashkë me kryebashkiakun e Kukësit Safet Gjici u shpreh se në shtator të vitit të ardhshëm në Kukës, të dyja shtetet do të zhvillojnë një mori aktivitetesh në nderim të 150 vjetorit të lindjes së Hasan Prishtinës.
