Me rastin e 110-vjetorit të Pavarësisë qeveria shqiptare ka organizuar një ceremoni në nder të dëshmorëve në Vlorë.
Në ceremoni mori pjesë kryeministri Edi Rama, kryeministri i Kosovës Albin Kurti, presidenti i Shqipërisë Bajram Begaj dhe presidentja e Kosovës Vjosa Osmani.
Ceremonia u mbyll me fjalën e presidentit Begaj i cili tha se historia e vendit ka qenë e mbushur me luftëra dhe sakrifica për liri.
“Me gëzim dhe krenari Vlora lavdimadhe dhe heroike na fton për të kremtuar 110-vjetori ne shpalljes së Pavarësisë. Patriotë të mëdhenj dhe mendjendritur udhëhequr nga Ismail Qemali i dhanë atdheut vendin që i takonte në familje ne madhe të kombeve. Historia jonë është histori luftërash e sakrificash për liri, dije e progres. Pavarësia është dhe mbetet vepër e madhe e kombit shqiptar”, tha Begaj ndër të tjera.
