Portieri i Kamerunit, Andre Onana ka vendosur të largohet nga kombëtarja për shkak të mosmarrëveshjeve me trajnerin Rigobert Song.
Sipas Federatës Kamerunase të futbollit shkak i këtij largimi është bërë një përplasje verbale mes tij dhe trajnerit.
Burimet janë shprehur se Onana ka akuzuar trajnerin se ai nuk po fut në lojë formacionet dhe lojtarët më të mirë.
Nga ana tjetër trajneri ka reaguar duke u shprehur se Onana nuk pozicionohet mirë në fushë dhe del shpesh nga zona e tij, veprim i cili mund t’i kushtojë skuadrës.
Largimi i portierit titullar të Kamerunit është një vendim i cili shkakton probleme për ndeshjen e fundit të ekipit që do të përballet me Brazilin.
Tashmë 26-vjeçari ka nisur pushimet dhe pritet të zbarkojë në fushën e blertë në janar me skuadrën e Interit.
