Deputeti i Partisë së Lirisë, Petrit Vasili është shprehur se në 6 dhjetor do t’i kërkojnë Edi Ramës të plotësojë kërkesat e vendosura me Rezolutën e Parlamentit Evropian miratuar në 19 maj.
Në Facebook ai ka shkruar se Evropa ka kërkuar që projektet e infrastrukturës, përfshirë portin e Durrësit, duhet të jenë në përputhje me standardet e BE-së për prokurimet publike të përfshira në Marrëveshjen e Stabilizim-Asociimit.
“Vëren nevojën për përmirësim urgjent për lirinë e shprehjes, pavarësinë e medias dhe pluralizmin dhe shqetësohet për mungesën e progresit në këtë fushë, pasi Shqipëria ka rënë tetë vende në ‘Indeksin Botëror të Lirisë së Shtypit’ të Reporterëve pa Kufij që nga viti 2018.
Rithekson shqetësimet e tij të rënda në lidhje me ‘paketën anti-shpifje’ të propozuar më parë.
Shpreh shqetësim serioz për rrjedhjet masive të të dhënave personale; u bën thirrje autoriteteve shqiptare të rrisin parandalimin, të sigurojnë llogaridhënie për keqpërdorimin e të dhënave,” është shprehur Vasili.
