Këngëtarja amerikane, Pink së fundmi ka një blerje speciale duke shpenzuar 5000 dollarë për një pikturë të artit abstrakt, e cila është krijim i shimpanzeve.
Vepra që tashmë i përket yllit 43-vjeçar quhet “Art by Patty & Kramer”, emër i cili u mor nga 2 shimpanzetë të cilat realizuan pikturën.
Është e zakonshme që të famshmit të shpenzojnë shumë para për vepra arti dhe në veçanti për piktura të rralla .
Por blerja më e fundit e Pink ka sjellë diskutime në mediat e huaja.
Ylli i popit gjeti pikturën e saj të re në ekspozitën e parë të artit të shimpanzeve në Qendrën Simfonike të Botës së Re e cila u mbajt në Miami Beach .
Sipas një raporti të Page Six, organizatori i ekspozitës theksoi se Pink ishte e entuziazmuar kur mësoi se shimpanzetë e shohin pikturën si njerëzit.
Në fund ajo bëri zgjedhjen e saj duke shpenzuar 5000 dollarë për veprën që i tërhoqi më shumë vëmendje.